MACTEL.COM.AU
 
 
 
 

Home Page » Sport World » САН АНТОНИО СЕ ВРАТИ НА ПОБЕДНИЧКИТЕ ПАТЕКИ
 
САН АНТОНИО СЕ ВРАТИ НА ПОБЕДНИЧКИТЕ ПАТЕКИ
20.03.2017, 09:58:33
 
 
 

Сан Антонио спарс по двата порази во низа успеа да се врати на победнички патеки, славејќи на домашен терен над Сакраменто со убедливи 118-102. „Мамузите“ почнаа нервозно, промашија 12 од првите 13 шутеви кон противничкиот кош, па Сакраменто поведе со 2-14. Сепак, Сан Антонио потоа доби на самодоверба и во нападот и во одбраната, направи пресврт, па во третата четвртина водеше и со најубедливи 28 поени. Во една таква ситуација тренерот Попович во последниот период ги одмори дел од најдобрите кошаркари, но и резервите рутински го приведоа мечот до крај.

Пау Гасол беше прв стрелец на спарси со 22 поени, пред Олдриџ со 18 додека Кави Леонард неочекувано застана само на 12 поени.

.

Демијан Лилард одигра фантастичен меч за Портланд, носејќи го својот тим до победа на гостувањето во Мајами од 104-115. Лилард погоди девет тројки за вкупно 49 поени (28 од нив во второто полувреме), па помогнат од Нуркиќ (21 поен и 12 скокови) му ја донесе победата на својот тим, кој останува во трката со Денвер за осмото место во Западната конференција.

Шампионот Кливленд кавалирс славеше на гостувањето против ЛА лејкерс со 120-125, откако во тимот се вратија Леброн Џејмс и Кајри Ирвинг, кои поради повреда го пропуштија последниот меч со ЛА клиперс. Џејмс (34), Ирвинг (46) и Лав (21) заедно постигнаа над 100 поени за актуелниот шампион, кој останува на чело на Источната конференција.

Резултати НБА:

Њу Орлеанс – Минесота 123-109, Детроит – Феникс 112-95, Филаделфија – Бостон 105-99, Торонто – Индијана 116-91, Мајами – Портланд 104-115, Сан Антонио – Сакраменто 118-102, ЛА лејкерс – Кливленд 120-125.

 
 
 
 
      
 
 
 
Related News