Добитник на Наградата „Македонско сонце “ од областа на деловните дејности е Компанијата "MKD Transcorp" на Господата Жарко и Игор Цветкоски од Сиднеј
„MKD Transcorp“ е семејна компанија. Во 1999 година браќата Жарко и Игор Цветкоски го започнаа својот бизнис со само еден камион. Денеска „MKD Transcorp“ е реномиран гигант во транспорната индустрија на Австралија. Бизнис кој се бави со транспорт на стока и контејнери на национално ниво. 

Нивниот возен парк располага со повеќе од 150 камиони од сите видови и за повеќе намени. Тие редовно вработуваат повеќе од 100 вработени, специјалисти за логистика, а имаат и многу контрактори, т.е. вработени со договор. Нивни муштерии меѓу другите се и големите фирми , како Ikea, Big W, Masters, Fantastic Furniture, Metcash... 

Веќе 25 години тие се покровители на многу организации и поединци во македонската заедница. Во 2014 година Компанијата „MKD Transcorp“ од Сиднеј постигна натпросечни деловни резултати.

Добитник на Наградата „Македонско сонце“ од областа на културата,образованието, спортот и општествените дејности е Мајкл Дамески
Со Доблесиот соло танц, Мајкл стана чудо и ги стана на нозе сите судии и целата публика, но веројатно и сите гледачи пред телевизиските екрани , кои го следеа популарното австралиско шоу „Значи, ти мислиш дека знаеш да танцуваш“! За Мајкл Дамески, осумнаесет годишниот танчер, пејач, актер и забавувач од Сиднеј, кој е по потекло од Прилеп, овој натпревар значеше виза кон врвот на светското танцување. 

Ѕвездата беше родена уште одамна. Имено, Мајкл на 3 годишна возраст пееше на детскиот фестивал „Македонче“ во Сиднеј, пееше на „Златно славејче“ во Сиднеј и во Македонија, учествуваше на безброј натпревари, а ја играше и главната улога Били Елиот, во истоимениот мјузикл во Сиднеј, Мелбурн и цели 2 години на Бродвеј, во Њујорк. Таму, на секоја престава, 2500-та публика по трипати ја креваше на нозе, да му ракоплеска. Со настапот на австралиското шоу минатата година, Мајкл се пласира во финалето и победи. Покрај тоа што е, несомнено, одличен танчер, Мајкл е и голем Македонец во срцето. Имено уште во првата емисија, тој одлично зборуваше на македонски, а низ неколку емисии во оваа серија, сподели со публиката дел од македонската традиција, култура, умешност, а заигра и македонско оро.

 Добитник на Наградата „Македонско сонце“ за животно дело е Господинот Бранко Наумовски од Сиднеј

Бранко Наумовски општествено политички и просветен работник, културен деец, учебникар, писател и поет за деца и возрасни, литературен критичар, новинар. Роден е во с. Дихово Битолско. По професија е пофесор по македонски јазик и литература. Во Кабрамата 1986 г. го отвори Македонското етничко училиште "СВ. Климент Охридски". Активен член е на
Македонското литературено друштво "Григор Прличев" и редакцијата на списанието "Повод". Радиоводител е на "Сиднеј Македонија" (една година) и "Радио Луна" (пет години). Член е на Друштвото на писателите на Македонија и на Здружението на навинарите на Македонија како и на Друштвото за наука и уметност Битола. 

Учествувал на манифестацијата " Струшки вечери на поезијата". Тој бил дописник на списанието "Македонија", на „Битолски весник“, "Македонски неделник", "Денес","Раст", "Современи дијалози". 

Добитник е на следните награди: "Златна плаката" од Матицата на иселениците на Македонија; "Иселеничка грамота"(1997); "Празник на липите"(2006); "4ти Ноември"(2006) Во 1970 г. ја формира правата драмска група во Рокдаел и во негова режија ги поставува драмите: "Печалбари" од А. Панов, и "Бегалка" од В. Иљоски. Автор е на стихозбирките: "Време за спомен/поезија за деца” и четири стихозбирки за возрасни:"Вратете ми ги времињата", "Свети синори", "Прострелана ѕвезда", и "Каменот пред портата наша" и збирката раскази "Чувар на детските спомени". Бранко Наумовски е пионер во воспоставувањето на културниот идентитет на македонската заедница во Австралија.